الرئيسية | مقالات | من هم... المغضوب عليهم ولا الضالين

من هم... المغضوب عليهم ولا الضالين

حجم الخط: Decrease font Enlarge font
عدد المشاهدات : 158
من هم... المغضوب عليهم ولا الضالين

صادق الغرابي

 مر البلد بارهاصات ومخاضات  كادت ان تؤدي الى حرب اهليه ..ولكن  الدور الذي لعبته المرجعيه الرشيده اثرا في تماسكه وبقاءه  رغم التصدع المجتمعي الذي طرأ عليه ...
لقد توالت الاحداث وكانت مؤثره ومزلزله  وقد لايتحملها شعب اخر غير الشعب العراقي ..لولا الصبر والتمسك بالارض ..ووحدة الوطن كانت الهاجس الذي يجمع الاغلب ..وهذا سر بقاءه فما جرى من احداث بداية من دعايات
سقوط بغداد , معركة النجف , معركة الفلوجه , صولة الفرسان؟؟ , احداث الزركه .. جسر الائمه ..تفجير الامامين ..وزارة اياد علاوي ..راح اياد علاوي ..اجه الجعفري راح الجعفري ...اجه المالكي راح المالكي ..الايام الداميه , الاسبوع الدامي .. تفجيرات الصدريه والكاظميه ومدينة الصدر والبياع  والشعله والكراده وووووو .. حرائق الوزارات والسنك والشورجه والميدان .. كاتم صوت محمد القاسم , عبوات ناسفه , عبوات لاصقه , طلقه تايهه .. خطف , فديه , قتل ..
طريق الموت , طريق المطار , طريق اللطيفيه .. امرلي , سبايكر , بيجي , الصقلاويه .. ابو مصعب الزرقاوي , ابو بكر البغدادي , ابو ايوب المصري , ابو خميني , ابو طلحــــــه , ابو قتاده .. القاعده , جيش محمد , جيش عمر , , المليشيات , المصايب 'ساحات الذل والمهانه .....
 غركة بغداد الكبرى , عاصفه ترابيه .. كهرباء , مجاري , ازدحام .. داعش , سبي , ذبح , رجم , حرق .. فساد .. ازمة تشكيل الحكومه , صفقة اقرار الموازنه .. ازمة الاقليم , المحافظات المنتفضه , المثلث السني .. المهجرين , النازحين , اللاجئين .. التقشف , الرواتب , الخدمه الالزاميه .. سد الموصل  ..
المظاهرات , الاعتصامات , الخيم .. انتصرنا , انهزمنه , انسحبنا , اجونه , طبولنه , باكونه ....................الارمله السوداء
نجحت عملية مؤخرة  النائب ابو المؤخره الذهبيه  ..فشلت عملية تجميل النائبه الفلانيه.  اختطاف الصيادين القطريين إطلاق سراح القطريين  ...  طيارة مليانة فلوس نزلت بمطار بغداد . انخمطت الفلوس ..ولا اثر لها
 ارتفاع في درجات الحرارة .... المناطق المتنازع عليها  ' سيطرة بزيبز .   .  مظاهرات العقود في الوزارات .  الطلاب المتظاهرين في الجامعات ضد العبادي  . التربيه ماعدها فلوس كروة تجيب كتب للمدارس  . رجع الطاعون  بس عدنه   لازمين مخدرات بالاطنان . النواب الاكراد زعلو  .  . زيباري زعل وراح...وزير الدفاع يگول رئيس مجلس النواب يريد يخمط فلوس الاكل مال الجنود . .. هروب محافظ البصرة  بيوم عطله  اعتقال نائب سابق لتهريبه مختلس بالمليارات ..خروج النائب لانه شاب حلو وزغيرون مايتحمل السجن .... ظهور اسد بالگصبة مالت  الحچي ...مياه الشرب بيها شوية ماء مجاري.....قضاء الرفاعي اقذر مدي
 نه بالعراق ..مجاري حي الكرامه بالرفاعي طافحه من سنتين  رغم ان مشروع المجاري ب 3 مليارات ونص انخمطن من هل الفج لهل الفج ...  .الاكراد يريدون يعزلون بيت لوحدهم.. .طلاب السادس كتلهم الحر  بقاعات الامتحان  نجحوا رسبوا دور ثالث ..ومطالبه بدور رابع ...مو امتحانات عبالك عماره  مختار منطقتنه يلعب طاولي  بالشارع  وتوه رجع من الحج ...تفجيرات الناصرية   العبادي متفلكح بالبلم  ونافخ روحه . عبالك شليف صوف ...عاش ابو يسر يسقط ما ادري منو .. تركيا تتوعد الاكراد قبل الاستفتاء  وبعده ....هاي شنو ..معقوله كل هذا على روسنه ...

ياجماعه ,
انتو متاكدين ان  المغضوب عليهم ولا الضالين  هم اليهود والنصارى
اشو اني جاي اشك  ومدري ليش اجوا على بالي  العراقيين...
.لو شنو الموضوع
Attachments area

 

إشترك في خلاصة التعليقات تعليقات (0 منشور)

المجموع: | عرض:

إكتب تعليق

  • عريض
  • مائل
  • خط بالأسفل
  • إقتباس
  • إرسل إلى صديق إرسل إلى صديق
  • نسخة صالحة للطباعة نسخة صالحة للطباعة
  • نسخة نصية نسخة نصية

كلماته الدلالية:

لا توجد كلمات دلالية لهذا المقال

قيّم هذا المقال

0